0 ඇතුලට ගිය හේතුව

සැමියා සහ බිරිද ගමනක් යාම සදහා ටැක්සියක් ගෙන්වා ගත්හ.ඔවුන් ටැක්සියට ගොඩවන්නට හදන විටම ගේ ඇතුලින් බළලා කෑ ගසන හඩ ඇසුණි.සැමියා ඌව එළ වා දැමීම සදහා නැවත ගේ ඇතුලට ගිය අතර තුර බිරිද ටැක්සියට ගොඩ වූවාය.ටැක්සියේ රියදුරු දෙතුන් වතාවක් ගේ දෙස බලනු දුටු බිරිද ගේ තුල කිසිවකු නැතිබව රියදුරාට ඇගවීම සුදුසු නැතැයි සිතා මෙසේ කීවාය.


"එයා උඩට ගියේ අපේ අම්මට යනවා කියල එන්න"
මොහොතකින් සැමියා පැමිණ ටැක්සියට ගොඩවෙන ගමන් මෙසේ කීවේය.


"ඒ නාකි බැළලි මං යනකොට ඇද ඇතුලෙ හැංගිලා.මං කොස්ස ඇතුලට දැම්මම තමයි එළියට ආවෙ.ඒ පාර මං දොර ඇරල එළියට දාලා කොස්සෙන් පාරකුත් දීල තමයි ආවෙ"

0 කදිම පාලනය

මිනිසුන් තිදෙනකු කතා කරමින් උන්නේ තමන්ට තම බිරින්දෑ වරුන් කෙතරම් දුරට පාලනය කල හැකිද යන්න පිළිබදව යි.තුන් වැන්නා නිහඩව සිටියේය.ඔහු සකලසේනයි.බොහෝවෙලාවක් කතා කිරීමෙන් පසු පළමුවැන්නා සකලසේන දෙසට හැරුණි.


පළමු වැන්නා :- "හොදයි සකලසේන ඔයාට ඔයාගෙ බිරිදව කොච්චර දුරට පාලනය කරන්න පුලුවන්ද...?"
සකලසේන     :- "මම පොඩි උදාහරණයක් දෙන්නම්.ඊයෙ රෑ පොඩි සද්දයක් ඇහිල මගෙ නෝනා දනගාගෙන     මං ලගට ආවා"


මෙය අසා සිටි ඉතිරි දෙදෙනා මහත් විස්මයට පත්වූහ.ඔවුන් සකලසේනගේ පාලනය ගැන ඇසීමට පසුවූයේ නොයිවසිල්ලෙනි.
දෙවැන්නා      :- "ෂා..! ඒ මොකද සකලසේන ඒ.නෝනා ඔයාට මොකද කිව්වේ....?"
සකලසේන වතුර උගුරක් බී උගුරේ රැල් බුරුල් කොට ඇගපතට නොදැනී මෙසේ කීවේය.


සකලසේන     :- "නෝනා කිව්වා.'ඇද යටින් එළියට වරෙන්.ඇවිල්ල  මිනිහෙක් වගේ හොරු එක්ක සටන් කරපන් කියලා"

0 ආණ්ඩුව

දිනක් පොඩි එකෙක් තම පියාගෙන් මෙසේ අසයි.
"මොකක්ද තාත්තෙ ආණ්ඩුව කියන්නෙ....?"


පියා මෙසේ කියයි.
"ආණ්ඩුව කියන්නෙ පුතේ හරියට මං වගේ.දැන් බලපන් මං දිහා.මං වැඩ කරන්නෙ මට ඔන විදියටයි.හැබැයි උඹලගෙ අම්ම ඇවිල්ල විරුද්ධ පක්ෂය වගේ.කොයි වෙලාවෙත් මම කියන හැමදේටම විරුද්ධ වෙනවා.එතකොට උඹලගෙ අක්කයි අයියයි හරියට වෘත්තිය සමිති වගේ.උං කොහොමහරි කෑ ගහල උංගෙ අයිතිවාසිකම් දිනාගන්නවා.එතකොට දැන් බලපන් උඹ දිහා.උඹ තමයි ජනතාව.කොයි පැත්තෙන් බැලුවත් තැලෙනවා.හැමෝම උඹට තමයි පාට් එක දාන්නෙ."


පසු දා උදෑසන අවදි වූ පොඩි එකා තම පියාට මෙසේ කිය යි.
"තාත්තෙ මං ඊයෙ රෑ දැක්ක.මං දැක්ක."


තාත්තා :- "මොනවද පුතේ උඹ දැක්කෙ..?"
පුතා :- "මං දැක්ක තාත්තෙ ඊයෙ රෑ ආණ්ඩුව විරුද්ධ පක්ෂෙට පෙරලා පහරදෙනවා.වෘත්තීය සමිති මර නින්දෙ.ඒත් ජනතාව අවදියෙන්"

0 ක්ලච් එක දෙනවා

යතුරු පැදි  පුහුණුව ලබාදෙන උපදේශකයෙක් එම පුහුණුව සදහා පැමිණි ගමේ තරුණයකුට යතුරු පැදියේ ඉදිරිපස අසුන දී ඔහු පසුපස අසුනේ හිද තරුණයාට අවශ්‍ය උපදෙස් ලබා දෙමින් සිටියේය.එම උපදෙස් පරිදි තරුණයා යතුරු පැදිය පණ ගන්වා ක්ලච් එක අල්ලාගෙන ගියරයක් දමා එක්සලේටරයද අවශ්‍ය පමණට අල්ලා ගෙන සිටියේය.එවේලෙහි උපදේශකයා ඊළග විධානය දුන්නේය.

"හා දැන් ක්ලච් එක දෙනවා"

එනමුත් තරුණයාගේ ප්‍රතික්‍රියාවක් නැත.

"ක්ලච් එක දෙනවා"

එවේලෙහිම උපදේශකයා මදක් උස් හඩින් කීවේය.එනමුත් එවරද තරුණයාගෙන් ප්‍රතිචාරයක් නොවීය.එවිට උපදේශකයා මහත් වූ කේන්තියට පැමිණ මෙසේ කෑ ගැසුවේය.

"ක්ලච් එක දෙනවා ඕයි"

ඒ වනවිට තරුණයාද මහත් කේන්තියට පත්ව පෙරළා මෙසේ කීවේය.

"මං ගත්තෙ නෑ ඕයි"

1 සුදු කෙස්

තම මවගේ ‍හිසෙහි පැසුණූ කෙස් ගසක් දුටු දියණිය දිනක් මවගෙන් මෙසේ අසයි.

"අම්මී ඇයි මේ ඔයාගෙ කොණ්ඩෙ සුදු කෙස්"

"ඔයා ඉතින් හුගක් දග කරල මට කරදර කරන නිසා තමයි අම්මිගෙ කොණ්ඩෙ සුදු වෙන්නෙ"

"අම්මෝ එහෙනම් අම්මි කොච්චර දග කරන්න ඇත් ද කියල මට ආච්චිගෙ කොණ්ඩෙ දැක්කම හිතා ගන්න පුලුවන්"

0 නුඹ..!

0 පුංචි පුතේ මම..!